ગઝલ . ભાઈ ..ભાઈ
બોળી જ્યાં ચાંચ જરા સૂડે રે ભાઈ ..ભાઈ ...
ટીપામાં સરવર બૂડે રે ભાઈ ..ભાઈ ...
ચમકારા જેમ તમે ચમકીને જંપી ગ્યા ,
અંદર હજી માહ્યલો હરૂડે રે ભાઈ ..ભાઈ ...
જીવનભર ઘૂમ્યા તોયે ફેર નથી ઊતર્યા ,
કેવા ઘૂમાવ્યા પરભૂડે રે ભાઈ ..ભાઈ ...
દિવસો ઝંઝેડીને સપના ખંખેર્યા 'તા ,
દિવસો જ હવે જો ઝૂડે રે ભાઈ ..ભાઈ ...
ફૂલોનું કાંક હશે ચોરાયું તેથીસ્તો ,
ટોળે વળ્યાં છે મધપૂડે રે ભાઈ ..ભાઈ ...
એને આંગણ પૂરે ચોમાસા સાથિયા ,
ઉનાળું ધૂળ અહી ઉડે રે ભાઈ ..ભાઈ ...
No comments:
Post a Comment