ગઝલ .....તમારાં બારણાં ખોલો
ટકોરા મારતા અંજળ : તમારાં બારણાં ખોલો .
તમારી ભીતરે ઝળહળ : તમારાં બારણાં ખોલો .
અમારી છે અરજ કે આજ ધીમે ઢાળજો પાંપણ ,
નજરમાં ઝૂલતી અટકળ : તમારાં બારણાં ખોલો .
નહીતર આટલા સમણાં કદી હલ્લો કરે આંખે ?
હશે એ પ્રેમની ચળવળ : તમારાં બારણાં ખોલો .
હવાનો પણ ભલા ક્યારેક હડદોલો અહી લાગે ,
મળે છે સુખ ક્યાં સમથળ !: તમારાં બારણાં ખોલો .
હવે કાંઠા ધસે હરપળ : તમારાં બારણાં ખોલો .
નદીની જેમ હું ખળખળ : તમારાં બારણાં ખોલો .
No comments:
Post a Comment