દુહાષ્ટ્ક....

[૧ ] આભે ચમકી વીજળી ,ભીતર વરસે મેહ 

       ઓગળતો આ દેહ  પાણી જેવો  પાતળો.

[૨ ] ભીનો તરબોળ ધક્કો ને જલાગ્નીનો  ભાર 

       આવીને તું ઠાર   ભીની  ભીની  વાછટે  .

[૩]      તારા જેવા વાદળાં મારા જેવી વીજ

           વરસાવો તાવીજ ગગન વગાડે ડાકલાં.

[૪]    આપી દેતો મોરલો અવસરના એંધાણ 

        ખમવી કેમ ધાણ ? વરસે વાદળ પ્રીતના .

[૫]   મીઠી મીઠી લે 'રખી ને માટીની ગંધ 

         તારું મોઢું બંધ ? ફાંકી લેને  બૂકડે .

[૬] રાતના અંધારે રે ગીતો તમરાં ગાય 

       નીંદરડી પીંખાય  એમ ઝબૂકે આગિયા .

[૭]  કાલે કૂંપળ ઊગશે ચોગરદમ લીલાશ 

        હૈયે થાશે હાશ  ઠરશે મારો  જીવડો .

[૮] ઉભરાશે આકાશે પતંગિયાની ભીડ 

      ભૂલાશેમારું નીડ ઝાલી લેજે બાવડે 

                                           - હેમંત ગોહિલ 'મર્મર '