Thursday 21 February 2013
ગીત
ભાષાની એક નદી વહે છે .......
ટીપે ટીપે અક્ષર લઈને વહે શબ્દાળું ધાર,
ધીર ગંભીર અર્થાળું પટના ઊંડા તળ અપાર
જળને આવું જળ કહે છે ............
કોઈ તરાવે તણખલું તો કોઈ ઊર્મિની હોડી
કોઈ તરાપો તરતો મૂકે પરપોટાને ફોડી ,
જળ તો કેવું કેવું સહે છે ............
વ્યાકરણના કાંઠાની વચ્ચે વહે સકલ અભિલાષા
ભાષાનું જળ સમજાવે છે જળને જળની ભાષા ,
જળ તો કેવળ જળ રહે છે .............
- હેમંત ગોહિલ 'મર્મર '
Subscribe to:
Posts (Atom)