Thursday 14 March 2013
વસંત ગીત ....હળવા પવનની આવી છે લહેરખી ..
હળવા પવનની આવી છે લહેરખી , લાવી છે વાત સંગ ફાગની રે લોલ
દોરે પતંગિયા રંગોળી આભમાં , પાડે કોયલ ભાત રાગની રે લોલ
ઊડતા ભમરા પૂછે છે ફૂલને ,
રૂડા અવસર ક્યાંથી આવિયા રે લોલ
વહેતા પવનમાં તડકાની પીછીએ ,
સૌરભના કોણ પૂરે સાથિયા રે લોલ
રાતુંચટ્ટાક કૈક પ્હેરીને સોણલાં ખાખરાની ડાળીએ ફૂટ્યા રે લોલ
લીલેરી સીમના નીતરતા કંઠથી વરણાગી ગીતડાં વછૂટ્યા રે લોલ
ઊડતી કુન્જડીયુંની લંબાતી હાર થઇ
આખુંયે આભ હવે ઝૂમે ર લોલ
ટૌકાની ઝાંઝરી પ્હેરીને લ્હેરખી
રૂમઝૂમ રૂમઝૂમ ઘૂમે રે લોલ
પ્હેરીને પાન નવા ઝૂમે છે ડાળખી લેતી કૂંપળના ઓવારણાં રે લોલ
રૂડા અવસર ક્યાંક પરબારા જાય નહીંખુલ્લાં રાખ્યાં છે મેં તો બારણાંરે લોલ
- હેમંત ગોહિલ 'મર્મર '
Subscribe to:
Posts (Atom)