ગઝલ....કરો બધું સગેવગે ....
હવા જ વાવળે ચડી : કરો બધું સગે વગે ,
જરા ઉકેલતા ગડી : કરો બધું સગે વગે .
અમે જ ચીંથરાં ગણી ફગાવતા ગયા હતા ,
જરૂર એમની પડી : કરો બધું સગે વગે .
બનેલ હોય છે બનાવ આપણી જ ભીતરે ,
મળે નહી છતાં કડી : કરો બધું સગે વગે.
ઘણીયવાર આદરી તલાશ તો નદી તણી ,
ગલી જ એમની જડી : કરો બધું સગે વગે .
અવાજ મેઘનો થયો ,થયોય વરસવો શરૂ ,
જરાક ઓઢણી અડી : કરો બધું સગે વગે .
જરાક સાવ ચબરખી કરી કરી કરેય શું ?
કરી શકેય વા -ઝડી : કરો બધું સગે વગે.
"મધુર હોય માવઠું." "મધુર તો અષાઢ છે ."
ચકો - ચકી કરે લડી : કરો બધું સગે વગે .
