ગઝલ / હેમંત ગોહિલ "મર્મર "
નવ્ય નથી : કેદુના છે ભૈ ,
ઘાવ ઘણાયે જૂના છે ભૈ .
ઝાડ ભલે લોઢાનું રાખ્યું ,
ડાળે પંખી રૂ ના છે ભૈ .
જાત નદી એની ધારું તો ,
આંખો ઊંડા ઘૂના છે ભૈ .
બાદ કરી જો તારાં માંથી ,
કારણ સઘળાં 'હું ' ના છે ભૈ .
પાંપણની અભરાઈ અડો મા,
આંસુ ઊના ઊના છે ભૈ .
એથી એ રંગીન પડે છે ,
પડછાયા પ્રભુના છે ભૈ .
એ ઉનાળો થૈને આવ્યાં ,
આંખે તોરણ લૂ ના છે ભૈ .
રોજ હાજી વાગે છે બંસી ,
પનઘટ ના કંઈ સૂના છે ભૈ .
દોષિત દિલને ગણવાનું છે ,
આંખોના જે ગૂના છે ભૈ .
ફૂલોને સમજાવો જઈને ,
ઘાવ બધાં ખૂશ્બૂ ના છે ભૈ.
ગઝલ ________ હેમંત ગોહિલ 'મર્મર '
જરા લ્યો , જીવને છુટ્ટો કરો જૂઓ : બને, વરસાદ આવે પણ ખરો ,
નજરની સ્હેજ છત્રીને ધરી જૂઓ : બને, વરસાદ આવે પણ ખરો .
હઠીલું આભ સંકેલી મૂકે છે વાદળાને આજ ડામચિયે ભલે ,
હથેળીમાં હથેળી પાથરી જૂઓ : બને, વરસાદ આવે પણ ખરો .
અષાઢી વાતને ઇન્સ્ટોલ કીધી છે તમે ; એ વાત જાણે છે બધાં ,
હવે ભીના પવનને સંઘરી જૂઓ : બને, વરસાદ આવે પણ ખરો .
કહો વંઠેલ તડકાને નહીં ચાલે કશીયે ધાક ધમકી બાગમાં ,
નમેલી ડાળખી પર પાંગરી જૂઓ : બને, વરસાદ આવે પણ ખરો .
તમે તો મેઘધનુષી નામને તો ખૂબ સંભાર્યું છે અનરાધાર થૈ ,
હવે લગરીક એને સાંભરી જૂઓ : બને, વરસાદ આવે પણ ખરો .
અચાનક હાથની મ્હેંદી થશે હેલી ;જરાયે વાતમાં શંકા નથી ,
કળાયલ મોરલાને ચીતરી જૂઓ : બને, વરસાદ આવે પણ ખરો .
નથી વાદળ ,નથી વાવડ ,નથી અણસાર ,ગોરંભો નથી તો વીજળી ,
ગઝલ એકાદ નવ્વી આદરી જૂઓ : બને, વરસાદ આવે પણ ખરો .
નવ્ય નથી : કેદુના છે ભૈ ,
ઘાવ ઘણાયે જૂના છે ભૈ .
ઝાડ ભલે લોઢાનું રાખ્યું ,
ડાળે પંખી રૂ ના છે ભૈ .
જાત નદી એની ધારું તો ,
આંખો ઊંડા ઘૂના છે ભૈ .
બાદ કરી જો તારાં માંથી ,
કારણ સઘળાં 'હું ' ના છે ભૈ .
પાંપણની અભરાઈ અડો મા,
આંસુ ઊના ઊના છે ભૈ .
એથી એ રંગીન પડે છે ,
પડછાયા પ્રભુના છે ભૈ .
એ ઉનાળો થૈને આવ્યાં ,
આંખે તોરણ લૂ ના છે ભૈ .
રોજ હાજી વાગે છે બંસી ,
પનઘટ ના કંઈ સૂના છે ભૈ .
દોષિત દિલને ગણવાનું છે ,
આંખોના જે ગૂના છે ભૈ .
ફૂલોને સમજાવો જઈને ,
ઘાવ બધાં ખૂશ્બૂ ના છે ભૈ.
ગઝલ ________ હેમંત ગોહિલ 'મર્મર '
જરા લ્યો , જીવને છુટ્ટો કરો જૂઓ : બને, વરસાદ આવે પણ ખરો ,
નજરની સ્હેજ છત્રીને ધરી જૂઓ : બને, વરસાદ આવે પણ ખરો .
હઠીલું આભ સંકેલી મૂકે છે વાદળાને આજ ડામચિયે ભલે ,
હથેળીમાં હથેળી પાથરી જૂઓ : બને, વરસાદ આવે પણ ખરો .
અષાઢી વાતને ઇન્સ્ટોલ કીધી છે તમે ; એ વાત જાણે છે બધાં ,
હવે ભીના પવનને સંઘરી જૂઓ : બને, વરસાદ આવે પણ ખરો .
કહો વંઠેલ તડકાને નહીં ચાલે કશીયે ધાક ધમકી બાગમાં ,
નમેલી ડાળખી પર પાંગરી જૂઓ : બને, વરસાદ આવે પણ ખરો .
તમે તો મેઘધનુષી નામને તો ખૂબ સંભાર્યું છે અનરાધાર થૈ ,
હવે લગરીક એને સાંભરી જૂઓ : બને, વરસાદ આવે પણ ખરો .
અચાનક હાથની મ્હેંદી થશે હેલી ;જરાયે વાતમાં શંકા નથી ,
કળાયલ મોરલાને ચીતરી જૂઓ : બને, વરસાદ આવે પણ ખરો .
નથી વાદળ ,નથી વાવડ ,નથી અણસાર ,ગોરંભો નથી તો વીજળી ,
ગઝલ એકાદ નવ્વી આદરી જૂઓ : બને, વરસાદ આવે પણ ખરો .
ગઝલ ________ હેમંત ગોહિલ 'મર્મર '
એક માણસનું હકીકતમાં જ અફવા થઇ જવું ,
કેટલું ખટકે છે મૂંગી સાવ ઘટના થઇ જવું .
હોય ક્યાં વિકલ્પ ત્રીજો દિવસોના કાયદે ,
છાંયડાઓ થઇ જવું અથવા તો તડકા થઇ જવું .
આજ મારા આંગણામાં આવવાનાં એ હશે ,
સૂચવે છે આ હવાનું કંકુપગલાં થઇ જવું .
બાઅદબ સૌ શબ્દ તો બેઠાં પલાંઠી વાળતા ,
શીખવે છે કંદરા કે કેમ પડઘા થઇ જવું .
સાવ સૂક્કીભઠ્ઠ થૈને ભોંય પડતર થઇ હતી ,
મૂળમાં છે આંખથી આંસુનું અળગા થઇ જવું .
ગઝલ ...હેમંત ગોહિલ "મર્મર "
એક ઈચ્છાનેય ચાલો આજ મારી જોઈએ ,
આગ અંદર હોય એને સ્હેજ ઠારી જોઈએ .
તો હવાની લ્હેરખી થઇ જાય ખૂશ્બૂ ઓરડે ,
એમની પણ સ્હેજ ખુલ્લી એક બારી જોઈએ .
આંખ ને આંસુની વચ્ચે આજ ભીષણ યુદ્ધ છે ,
જીત માટે ચાલ ,મનવા આજ હારી જોઈએ .
છાંયડા વિસ્તારવાની આવડતને કેળવો ,
આંગણું ઘેઘૂર કરવા એક ક્યારી જોઈએ .
એમ કરતા ક્યાંક જો દર્શન હરિના થાય તો ,
સામસામી આજ આંસુ ,આવ સારી જોઈએ .
અર્થની જ્વાળા તરત ભડકો બની ફેલી જશે ,
શબ્દમાં પણ ક્યાંક છૂપી ચિનગારી જોઈએ .
ગઝલ / હેમંત ગોહિલ "મર્મર "
મળી છે સાંજ એ સાબિત કરી દે તું ,
ઢળી છે સાંજ એ સાબિત કરી દે તું .
નથી અંધાર કેવળ વાર કરવામાં ,
ભળી છે સાંજ એ સાબિત કરી દે તું .
બળેલાં સ્વપ્નની છો વાસ આવે છે ,
બળી છે સાંજ એ સાબિત કરી દે તું .
હજીયે શ્વાસ ઉંહકારા કરે રોજે ,
કળી છે સાંજ એ સાબિત કરી દે તું .
હવે ફાંકયા કરું છું રોજ અંધારું ,
દળી છે સાંજ એ સાબિત કરી દે તું .
ખરેલું પાન છું : કે 'શો નહીં કે આ ,
લળી છે સાંજ એ સાબિત કરી દે તું .
ગઝલ / હેમંત ગોહિલ "મર્મર "
પડેલી છાપ પગલાંની હવે ઊભો છું તેડીને ,
નથી અણસાર કે આભાસ એનો લેશ કેડીને.
હજીયે ઝણઝણાટી ખુદમાંથી સૂર થઇ વ્હેતી,
ગયું છે કોક મારા તારને હમણાં જ છેડીને .
હવે આવો અને ચાસે તમારા નામને વાવો ,
વરાંપેલા મેં ખેતરને કર્યું તૈયાર ખેડીને .
ખરેખર ગામ તો પૂનમ ગણી પૂજતું રહ્યું ;મૂક્યો
અમે ચ્હેરો તમારો ; ચાંદને આઘો ખસેડીને .
નશો રેલો બનીને એટલે તો નીતરે રુંવે,
નદી મેં ગટગટાવી છે તરસ બેફામ રેડીને .
હતી કંઈ બાંધણી એવી કે એમાં દોષ કોઈનો ક્યાં ?
ઝરૂખો ઝાડ થઇ જોયા કરે છે રોજ મેડીને .
જરા સંભાળજો મિત્રો 'ને હળવા હાથથી લેજો ,
ગઝલના રૂપમાં લાવ્યો રસીલા સ્વપ્ન વેડીને .
ગઝલ /હેમંત ગોહિલ "મર્મર "
એષણાના કેટલાયે હૂક રાખે ,
રોજ ટાંગી લોક એમાં દુઃખ રાખે .
ઓહિયા કરતો રહે છે સર્વને તું ,
કાળ તું તો કેવડીયે ભૂખ રાખે .
એ કબૂલે છે બન્યા છે ભોગ જે જે ,
કે નજરમાં કોક તો બંધુક રાખે .
સોળ ઉપડી જાય એના વેણ સુણી,
જીભમાં પણ વીંઝતો ચાબૂક રાખે .
ઝાડવું વર્ષો પછી પણ છે અડીખમ ,
ડાળખીમાં યાદની સંદૂક રાખે .
હું પઠન ના પણ કરી શકતો ય એનું ,
એ ગઝલ કાયમ મને ભાવુક રાખે .
બાળપણ શેરી ઠઠાડી નીકળે છે ,
દોસ્ત ખિસ્સામાં હજી હાઉક રાખે
તું જ ટાણું હાથથી ચૂકી ગયો ,
એમ ઈશ્વર ક્યાં કદીયે ચૂક રાખે .
ચોમાસું / હેમંત ગોહિલ /"મર્મર "
તમારી વાતમાં છલકાય ચોમાસું ,
તમારા નામનો પર્યાય ચોમાસું .
નથી જળની હજી બારાક્ષરી શીખ્યા ,
પછી સંપૂર્ણ ક્યમ સમજાય ચોમાસું .
નહીં જો લાગણીનું સીમ રાખો તો ,
નહીં કવરેજમાં પકડાય ચોમાસું .
કરો જો બંધ બારી કે ધરો છત્રી ,
ભલા તોયે નહિ અટકાય ચોમાસું .
તમારી ઓઢણી અડકી જરા અમથી ,
અને ત્યાં સામટું વેરાય ચોમાસું .
બને કે ગામ આખું બેખબર સૂતું ,
અને શેરી મહી ઝીંકાય ચોમાસું .
અમે ખોબો ભરીને એટલે પીધું ,
ન ડીલે એમ કંઈ ચોળાય ચોમાસું .
ગઝલ ...
કવિને તાવ આવ્યો છે
હવે લ્યો , શબ્દનાં પોતાં તમે મૂકો : કવિને તાવ આવ્યો છે ,
તમે પાજો કરીને કાવ્યનો ભૂકો : કવિને તાવ આવ્યો છે.
પથારી રાખજો ઘેઘૂર સામેના ગઝલના ઝાડવા હેઠે
હવે, હે અર્થની ડાળી !જરા ઝૂકો : કવિને તાવ આવ્યો છે .
નદીની જેમ છે લય-છંદની ભીનાશ ભીતર ખૂબ ઝાઝેરી ,
તમે ઓઢાડજો દરિયો હવે સૂકો : કવિને તાવ આવ્યો છે .
ઝરૂખે યાદ , થઈને નીર છલકે છે જરા સંભાળજો ,મિત્રો
છલોછલ આ ભરેલી આંખ ના લૂછો : કવિને તાવ આવ્યો છે .
ર.પા.,ગાલિબથી લઈ છેક જાઓ ને મળો જઈ સંજુ વાળાને ,
ખરો ઉપચાર એને જઈ તમે પૂછો : કવિને તાવ આવ્યો છે.
હેમંત ગોહિલ "મર્મર "
ગઝલ ....મને પૂછ્યા કરે છે લોક રસ્તામાં ..
મને પૂછ્યા કરે છે લોક રસ્તામાં ,
તને ભૂલી ગયું છે કોક રસ્તામાં ?
કરી હલ્લો મને ઘાયલ કરી દેશે ,
બને તો દોસ્ત !સમણાં રોક રસ્તામાં .
વચોવચ નામ મૂક્યું એમનું ચોરસ ,
બની બેઠું હવે એ ચોક રસ્તામાં .
હતો જે કંઠ એતો ગીરવે મૂક્યો ,
હવે આવ્યો ધરીને ડોક રસ્તામાં .
નહિ રોકાય: જે જળ છે વહી જાશે ,
ભલેને લાખ ખીલા ઠોક રસ્તામા.
નથી રોયા અમે એ વાત જૂઠ્ઠી છે ,
નથી મૂકી ખરું છે પોક રસ્તામાં .
અરે પગલાં !તમે લઈ લ્યો પરત બાનુ,
અમે રસ્તો કર્યો છે ફોક રસ્તામાં .
હવે એ જળ બધું દરિયો બની છલકે ,
તમે ઢોળ્યું હતું ખોબોક રસ્તામાં .
મને પૂછ્યા કરે છે લોક રસ્તામાં ,
તને ભૂલી ગયું છે કોક રસ્તામાં ?
કરી હલ્લો મને ઘાયલ કરી દેશે ,
બને તો દોસ્ત !સમણાં રોક રસ્તામાં .
વચોવચ નામ મૂક્યું એમનું ચોરસ ,
બની બેઠું હવે એ ચોક રસ્તામાં .
હતો જે કંઠ એતો ગીરવે મૂક્યો ,
હવે આવ્યો ધરીને ડોક રસ્તામાં .
નહિ રોકાય: જે જળ છે વહી જાશે ,
ભલેને લાખ ખીલા ઠોક રસ્તામા.
નથી રોયા અમે એ વાત જૂઠ્ઠી છે ,
નથી મૂકી ખરું છે પોક રસ્તામાં .
અરે પગલાં !તમે લઈ લ્યો પરત બાનુ,
અમે રસ્તો કર્યો છે ફોક રસ્તામાં .
હવે એ જળ બધું દરિયો બની છલકે ,
તમે ઢોળ્યું હતું ખોબોક રસ્તામાં .
- હેમંત ગોહિલ "મર્મર "
ગઝલ : કર્ણનો હું રથ બની ઝૂકી ગયો
કર્ણનો હું રથ બની ઝૂકી ગયો ,
તીર જેવો આ સમય ખૂંપી ગયો .
લઈ તરસ હું કેટલું દોડ્યો હતો ,
છેક સરવર પાસ જઈ ડૂકી ગયો .
શ્વાસની કેવળ ગણી મેં ગાંસડી ,
એક અવસર એમ હું ચૂકી ગયો .
મેં ખબર પૂછ્યા હતાં એ દોસ્તના ,
પાન પીળું હાથમાં મૂકી ગયો .
છાંયડાને ઝાડવા ભૂલી ગયા ,
કાનમાં શું વાયરો ફૂંકી ગયો ?!
છેક સરવર પાસ જઈ ડૂકી ગયો .
શ્વાસની કેવળ ગણી મેં ગાંસડી ,
એક અવસર એમ હું ચૂકી ગયો .
મેં ખબર પૂછ્યા હતાં એ દોસ્તના ,
પાન પીળું હાથમાં મૂકી ગયો .
છાંયડાને ઝાડવા ભૂલી ગયા ,
કાનમાં શું વાયરો ફૂંકી ગયો ?!
- હેમંત ગોહિલ "મર્મર "
ગઝલ ....સાવ એવુંયે નથી ..
આંખને લૂછી જ ક્યાં છે ? સાવ એવુંયે નથી ,
વાત ને પૂછી જ ક્યાં છે ? સાવ એવુંયે નથી .
વાંક તો એમાં અમારા હાથનો પણ ક્યાં નથી ?
ડાળખી ઝૂકી જ ક્યાં છે ? સાવ એવુંયે નથી .
વારતા હું કોતરી દઉં ફૂલની પથ્થર ઉપર ,
હાથમાં ખૂબી જ ક્યાં છે ? સાવ એવુંયે નથી .
મૂળ તો બાજી હવે નિરસ બની ગઈ છેવટે ,
હાથમાં કૂકી જ ક્યાં છે ? સાવ એવુંયે નથી .
તોય પણ પગરવ નથીને સાવ સૂનો ઘાટ છે ,
વાંસળી ફૂંકી જ ક્યાં છે ? સાવ એવુંયે નથી .
ટેરવાના સ્પર્શથી ભડકો થયો 'તો માનશો ?
આંગળી મૂકી જ ક્યાં છે ? સાવ એવુંયે નથી .
જાય છે કડવાશ જેવું તોય ક્યાં જીહ્વા ઉપરથી ,
વેદના થૂંકી જ ક્યાં છે ? સાવ એવુંયે નથી .
ગઝલ / હેમંત ગોહિલ "મર્મર '
થાય એવું કે બગીચે આપણે બેઠાં અને ના વાત ફૂલોની કરી કંઈ આપણે તો :થાય એવું ,થઇ શકે છે ,
જેનથી બોલ્યાં,બધું એસાવ સાદી રીતથી કે'વાય તોછે એમની એ પાંપણે તો થાય એવું ,થઇ શકે છે
રોજ મારી આંખમાં એ ઝાડ આવી રાત આખી ઝૂલતું'તું
છમ્મલીલાં પાંદડાંની ડાળખી લઈ ખૂલતું 'તું
લાગણીની વારતા એને ભલા સમજાય ક્યાંથી ?એકલું વેરાન આપ્યું ડહાપણે તો :
થાય એવું ,થઇ શકે છે.
એક દરિયો આંખ સામે એક દરિયો હોય એની આંખમાં પણ ,
એક મોસમ આંગણામાં ,એક એની જાતમાં પણ ,
સાવ સાચી વાત છે માની શકો તો જાતને શ્રીમંત રાખી છે હજી એ થાપણે તો :
થાય એવું ,થઇ શકે છે.
વાયદા તોરણ બની લટકી ગયા છે બારણાં જ્યાં બંધ કીધાં
ટોડલે બેઠાં હતાં એ મોરલાએ કારમા દુષ્કાળ પીધા
કેટલું થીજી ગયા અરમાન કે ના પીગળી શકતા હજી એ શક્યતાના તાપણે તો :
થાય એવું ,થઇ શકે છે.
વારતાનું એક પાનું પણ કહોને કેમ મિત્રો ,ફેરવે એ ફેરવે તો
આગ લાગી છે અડકતામાં અચાનક જો બરફના ટેરવે તો
ખુદને પણ ખુદમાંથી શખ્સ એ ભૂલી ગયો છે વાર કીધી એટલી સંભારણે તો :
થાય એવું ,થઇ શકે છે
એક દરિયો આંખ સામે એક દરિયો હોય એની આંખમાં પણ ,
એક મોસમ આંગણામાં ,એક એની જાતમાં પણ ,
સાવ સાચી વાત છે માની શકો તો જાતને શ્રીમંત રાખી છે હજી એ થાપણે તો :
થાય એવું ,થઇ શકે છે.
વાયદા તોરણ બની લટકી ગયા છે બારણાં જ્યાં બંધ કીધાં
ટોડલે બેઠાં હતાં એ મોરલાએ કારમા દુષ્કાળ પીધા
કેટલું થીજી ગયા અરમાન કે ના પીગળી શકતા હજી એ શક્યતાના તાપણે તો :
થાય એવું ,થઇ શકે છે.
વારતાનું એક પાનું પણ કહોને કેમ મિત્રો ,ફેરવે એ ફેરવે તો
આગ લાગી છે અડકતામાં અચાનક જો બરફના ટેરવે તો
ખુદને પણ ખુદમાંથી શખ્સ એ ભૂલી ગયો છે વાર કીધી એટલી સંભારણે તો :
થાય એવું ,થઇ શકે છે
ગઝલ / હેમંત ગોહિલ "મર્મર "
વેદનાને રોજ ઘોળે
શાંત પાણી એમ ડહોળે .
થાય ફિક્કો છોકરો અહીં ,
ક્યાંક પીઠી કોક ચોળે .
ઠીબ આખીયે છલોછલ ,
એક ચકલી ચાંચ બોળે.
નામ તારું મેં વણીને,
ભાત પાડી છે પટોળે .
એજ તો સરપાવ પામે ,
ખુદમાંથી ખુદ ખોળે .
કોક જોખે ત્રાજવામાં ,
કોક પાંપણથીય તોળે .
જાત આખી જાય લપસી ,
એ નજરથી શુંય ઢોળે !
ચાંદ જેવું હોય જોયું ,
એમ કંઈ દરિયો હિલોળે ?
લાખ ડાહ્યા માર્ગ ખોળે ,
પ્રશ્ન પૂછ્યો છે ડફોળે .
ગઝલ / હેમંત ગોહિલ "મર્મર "
જરાક ડાળખી નમાવ એટલે ભયો ભયો ,
ગઝલ તું એમ બસ લખાવ એટલે ભયો ભયો .
ભલેને ફેરવીને મો ઊભું રહે પછી જગત ,
નજર ના એક તું હટાવ એટલે ભયો ભયો .
ખરેલ પાન આંગણાનું હું થયો હવે ભલે ,
નમીને હાથથી ઉઠાવ એટલે ભયો ભયો .
"નથી જ માનતો "-નો અર્થ એમ પણ કરી શકો
મને જરાક તું મનાવ એટલે ભયો ભયો .
ખલાસ થઇ ગયું છે યાદના ચડેલ પૂરમાં ,
નવું જ ગામ તું વસાવ એટલે ભયો ભયો .
થશે નહીં કદીય રંગ ખત્મ દુનિયા મહી ,
બને છે સ્વપ્નમાં બનાવ એટલે ભયો ભયો .
જરાક ડાળખી નમાવ એટલે ભયો ભયો ,
ગઝલ તું એમ બસ લખાવ એટલે ભયો ભયો .
ભલેને ફેરવીને મો ઊભું રહે પછી જગત ,
નજર ના એક તું હટાવ એટલે ભયો ભયો .
ખરેલ પાન આંગણાનું હું થયો હવે ભલે ,
નમીને હાથથી ઉઠાવ એટલે ભયો ભયો .
"નથી જ માનતો "-નો અર્થ એમ પણ કરી શકો
મને જરાક તું મનાવ એટલે ભયો ભયો .
ખલાસ થઇ ગયું છે યાદના ચડેલ પૂરમાં ,
નવું જ ગામ તું વસાવ એટલે ભયો ભયો .
થશે નહીં કદીય રંગ ખત્મ દુનિયા મહી ,
બને છે સ્વપ્નમાં બનાવ એટલે ભયો ભયો .
ગઝલ....કરો બધું સગેવગે ....
હવા જ વાવળે ચડી : કરો બધું સગે વગે ,
જરા ઉકેલતા ગડી : કરો બધું સગે વગે .
અમે જ ચીંથરાં ગણી ફગાવતા ગયા હતા ,
જરૂર એમની પડી : કરો બધું સગે વગે .
બનેલ હોય છે બનાવ આપણી જ ભીતરે ,
મળે નહી છતાં કડી : કરો બધું સગે વગે.
ઘણીયવાર આદરી તલાશ તો નદી તણી ,
ગલી જ એમની જડી : કરો બધું સગે વગે .
અવાજ મેઘનો થયો ,થયોય વરસવો શરૂ ,
જરાક ઓઢણી અડી : કરો બધું સગે વગે .
જરાક સાવ ચબરખી કરી કરી કરેય શું ?
કરી શકેય વા -ઝડી : કરો બધું સગે વગે.
"મધુર હોય માવઠું." "મધુર તો અષાઢ છે ."
ચકો - ચકી કરે લડી : કરો બધું સગે વગે .
- હેમંત ગોહિલ 'મર્મર '
ગઝલ....શ્વાસ આપ
એક - બે ઉછીના કોઈને શ્વાસ આપ ,
જે ન માગે , દોસ્ત ! એને ખાસ આપ.
ખેવના વૈપુલ્યની ના નાથ કોઈ ,
આંખ ના અંજાય એ અજવાસ આપ .
સોય તો છે સાંધવા તૈયાર આજ ,
ફક્ત દોરા જેવડો વિશ્વાસ આપ .
ચીતર્યા ગુલાબનું હું કેનવાસ ,
આવ 'ને ખોબો ભરી સુવાસ આપ .
ઈશ્વરે દીધી તને ભૂગોળ આમ ,
તું રચી પાછો હવે ઇતિહાસ આપ .
હા , અધૂરો અંતરો પણ ઈટ થાય ,
આપ ,પડઘા જેમ એને પ્રાસ આપ .
શબ્દની હોડી તરાવું આજકાલ ,
હે હરિ !તું અર્થનો પ્રવાસ આપ .
જે ન માગે , દોસ્ત ! એને ખાસ આપ.
ખેવના વૈપુલ્યની ના નાથ કોઈ ,
આંખ ના અંજાય એ અજવાસ આપ .
સોય તો છે સાંધવા તૈયાર આજ ,
ફક્ત દોરા જેવડો વિશ્વાસ આપ .
ચીતર્યા ગુલાબનું હું કેનવાસ ,
આવ 'ને ખોબો ભરી સુવાસ આપ .
ઈશ્વરે દીધી તને ભૂગોળ આમ ,
તું રચી પાછો હવે ઇતિહાસ આપ .
હા , અધૂરો અંતરો પણ ઈટ થાય ,
આપ ,પડઘા જેમ એને પ્રાસ આપ .
શબ્દની હોડી તરાવું આજકાલ ,
હે હરિ !તું અર્થનો પ્રવાસ આપ .
- હેમંત ગોહિલ 'મર્મર '
ગઝલ / હેમંત ગોહિલ
શબ્દને ઝંઝેડવામાં સાવધાની રાખજે તું ,
અર્થ પાક્કા વેડવામાં સાવધાની રાખજે તું .
સાંકડું છે સાવ મોઢું આયખાની બાટલીનું ,
જિંદગીને રેડવામાં સાવધાની રાખજે તું .
લાગતી જે સાવ પોચી ;ભોંય છે ખડકાળ અંદર ,
એ ગઝલને ખેડવામાં સાવધાની રાખજે તું .
છોડશે ના એ કદી પીછો પછીથી જિંદગીભર ,
એષણા છંછેડવામાં સાવધાની રાખજે તું .
- હેમંત ગોહિલ 'મર્મર '
ગઝલ / હેમંત ગોહિલ
હવે જ્યોત ફ્ગફ્ગ થાય છે તમે પ્રીતનો પાલવ ધરો ,
અજવાસ ડગમગ થાય છે તમે પ્રીતનો પાલવ ધરો .
નથી રાતના અંધારની મને રાહમાં અડચણ કદી ,
કોઈ યાદ ઝગમગ થાય છે તમે પ્રીતનો પાલવ ધરો
કહી દો ચમનને મોકલે નહી કોઈ દી ખૂશ્બૂ મને ,
ખુદ શ્વાસ મઘમઘ થાય છે તમે પ્રીતનો પાલવ ધરો।
કોઈ કાફલો ઝૂકી ગયો જરા સાંઢણી ઝૂકાવતાં ,
હજી રાહ તગતગ થાય છે તમે પ્રીતનો પાલવ ધરો।
દિવસો બધાં પાછા વળી નિજ નીડમાં આવી ગયા ,
ફરી સાંજ લગભગ થાય છે તમે પ્રીતનો પાલવ ધરો।
રણની તરસ ભડકે બળે અહી ઝાંઝવાના રૂપમાં ,
પછી રેત ધગધગ થાય છે તમે પ્રીતનો પાલવ ધરો।
- હેમંત ગોહિલ 'મર્મર '
દીકરી ગઝલ
એટલે તો દીકરી સૌને વહાલી હોય છે ,
જીવમાં એના થકી જાહોજલાલી હોય છે .
આયખું અવસર બનીને ટોડલે ઝૂલ્યા કરે ,
પૂરતી એ સાથિયા ,જ્યાં સ્થાન ખાલી હોય છે .
વ્હાલની છે વાટ કેવળ ,વ્હાલની છે વારતા ,
ખુદ ખુદાએ આંગળી એ રૂપ ઝાલી હોય છે .
એટલે પગલી પડે છે ફૂલ સરખી આંગણે ,
વ્હાલની કેડી ઉપર એ રોજ ચાલી હોય છે .
જીવમાં એના થકી જાહોજલાલી હોય છે .
આયખું અવસર બનીને ટોડલે ઝૂલ્યા કરે ,
પૂરતી એ સાથિયા ,જ્યાં સ્થાન ખાલી હોય છે .
વ્હાલની છે વાટ કેવળ ,વ્હાલની છે વારતા ,
ખુદ ખુદાએ આંગળી એ રૂપ ઝાલી હોય છે .
એટલે પગલી પડે છે ફૂલ સરખી આંગણે ,
વ્હાલની કેડી ઉપર એ રોજ ચાલી હોય છે .
વ્હાલની છે રોશની એ પ્રેમની છે ફૂલઝરી ,
એટલેતો દિલમાં રોજે દિવાલી હોય છે
- હેમંત ગોહિલ 'મર્મર '
ગઝલ .. આ વસ્ત્ર એક જો વણાય ..
આ વસ્ત્ર એક જો વણાય તોય છે ઘણું ઘણું ,
મળ્યું છે એટલું મણાય તોય છે ઘણું ઘણું .
જવાબ તો બધાય પ્રેમમાં મળી જશે પછી ,
સવાલ એક હા ભણાય તોય છે ઘણું ઘણું .
કહે કબીર: ઈશ તો અસીમ 'ને અમાપ છે ,
જરાક જેટલો જણાય તોય છે ઘણું ઘણું .
નવો નથી ઉગાડવોય મોલ મારા ખેતરે ,
ભરેલ કણસલા લણાય તોય છે ઘણું ઘણું .
ભલે ન ભીતરે જવાય મુક્તકો તપાસવા ,
બહાર છીપલાં ગણાય તોય છે ઘણું ઘણું .
અહી હરે ફરે અપાર ઝૂંડ એષણા તણાં ,
કદીક એકબે હણાય તોય છે ઘણું ઘણું ,
- હેમંત ગોહિલ 'મર્મર '
તમારાં બારણાં ખોલો / હેમંત ગોહિલ
ટકોરા મારતા અંજળ : તમારાં બારણાં ખોલો .
તમારી ભીતરે ઝળહળ : તમારાં બારણાં ખોલો .
અમારી છે અરજ કે આજ ધીમે ઢાળજો પાંપણ ,
નજરમાં ઝૂલતી અટકળ : તમારાં બારણાં ખોલો .
નહીતર આટલા સમણાં કદી હલ્લો કરે આંખે ?
હશે એ પ્રેમની ચળવળ : તમારાં બારણાં ખોલો .
હવાનો પણ ભલા ક્યારેક હડદોલો અહી લાગે ,
મળે છે સુખ ક્યાં સમથળ !: તમારાં બારણાં ખોલો .
હવે કાંઠા ધસે હરપળ : તમારાં બારણાં ખોલો .
નદીની જેમ હું ખળખળ : તમારાં બારણાં ખોલો .
- હેમંત ગોહિલ 'મર્મર '
બોળી જ્યાં ચાંચ જરા સૂડે રે ભાઈ ..ભાઈ ...
ટીપામાં સરવર બૂડે રે ભાઈ ..ભાઈ ...
ચમકારા જેમ તમે ચમકીને જંપી ગ્યા ,
અંદર હજી માહ્યલો હરૂડે રે ભાઈ ..ભાઈ ...
જીવનભર ઘૂમ્યા તોયે ફેર નથી ઊતર્યા ,
કેવા ઘૂમાવ્યા પરભૂડે રે ભાઈ ..ભાઈ ...
દિવસો ઝંઝેડીને સપના ખંખેર્યા 'તા ,
દિવસો જ હવે જો ઝૂડે રે ભાઈ ..ભાઈ ...
ફૂલોનું કાંક હશે ચોરાયું તેથીસ્તો ,
ટોળે વળ્યાં છે મધપૂડે રે ભાઈ ..ભાઈ ...
એને આંગણ પૂરે ચોમાસા સાથિયા ,
ઉનાળું ધૂળ અહી ઉડે રે ભાઈ ..ભાઈ ...
હેમંત ગોહિલ 'મર્મર '
ગઝલ /હેમંત ગોહિલ
સંજોગ તું મીઠું હવે ભભરાવ મા ,
રૂઝી ગયેલા ઘાવને ચચરાવ મા
પોઢી ગયું છે સોડ તાણી સોણલું ,
ઓ શ્વાસ !તું સાંકળ હવે ખખડાવ મા .
સાંભળ જરા પાણી પણે તટને કહે :
નક્કોર પરપોટા નથી પપલાવ મા .
આકાશ ઊતરી ચીલઝડપે લઇ જશે ,
પાંખો અમસ્તી સ્હેજ પણ ફફડાવ મા .
.
વરસાદ તો બેઠો જ છે વરસી જવા ,
ભીની ભરેલી યાદને મમળાવ મા .
.
અમથો ઘસરકો વાઢ મૂકી જાય છે ,
કાજળ કરી નજરું હજી કકરાવ મા
.
ફંટાય છે રસ્તો જ એના ઘર ભણી ,
નિર્દોષ પગલાંને પછી તતડાવ મા
- હેમંત ગોહિલ 'મર્મર '
.ગઝલ
લ્યો ,સાચવી લ્યો દાવને બાજી હજી બગડી નથી ,
આ વાત માની જાવને બાજી હજી બગડી નથી .
લીલાશ તો ત્યાં આપમેળે સામટી ઊગી જશે ,
તું વાદળી વરસાવને બાજી હજી બગડી નથી .
પંખી બનાવી દઈશ હું એને કલા - કૌશલ્યથી ,
એકાદ પીછું લાવને બાજી હજી બગડી નથી .
આ ઝાડને મ્હોરી જવા મોસમ નથી તો શું થયું ?
હળવે જરા મલકાવને બાજી હજી બગડી નથી .
સળગી રહી છે આ હવા પણ આજ દાહક રાગથી ,
મલ્હાર જેવું ગાવને બાજી હજી બગડી નથી .
એની મજા કંઈ ઓર ને રંગત અનેરી હોય છે ,
વાવડ વગર તું આવને બાજી હજી બગડી નથી .
...- .હેમંત ગોહિલ 'મર્મર '
=-== =-==
સૂર્ય જેવી વાત કાઢે ,
જીવ એમાં રાત કાઢે .
મન ખરેખર છે મદારી ,
રોજ નોખી ભાત કાઢે .
એમ ઈશ્વર છેતરે છે ,
ફૂલ જેવી જાત કાઢે .
વટ પછાડી ચાર નાખું ,
વક્ત તીડી સાત કાઢે .
સીમ લીલી કેમ થઇ ગઈ ?
ગામ તો પંચાત કાઢે .
ચેત મનવા આ જગતથી ,
અંતમાં શરૂઆત કાઢે .
સૂર્ય જેવી વાત કાઢે ,
જીવ એમાં રાત કાઢે .
મન ખરેખર છે મદારી ,
રોજ નોખી ભાત કાઢે .
એમ ઈશ્વર છેતરે છે ,
ફૂલ જેવી જાત કાઢે .
વટ પછાડી ચાર નાખું ,
વક્ત તીડી સાત કાઢે .
સીમ લીલી કેમ થઇ ગઈ ?
ગામ તો પંચાત કાઢે .
ચેત મનવા આ જગતથી ,
અંતમાં શરૂઆત કાઢે .
... હેમંત ગોહિલ
ગઝલ ... એક ચપટી રાઈ....
એક ચપટી રાઈના તું અર્થને સમજી શકે ;
તુર્ત સઘળી ખાઈનાતું અર્થને સમજી શકે
વેદ કે કુરાન સમજો જાતમાં આવી ગયા ;
ફક્ત અક્ષ્રર ઢાઈના તું અર્થને સમજી શકે.
જિંદગી અવસર બનીને આંગણે આવી જશે ,
શ્વાસની શરણાઈના તું અર્થને સમજી શકે.
તોજ સમજાશે તને સંદેશ મારા પત્રનો ,
રક્ત કે રુસ્નાઈના તું અર્થને સમજી શકે .
અર્થની ઊંડાઈને ત્યારેજ તું તાગી શકે .
શબ્દની ઊંચાઈના તું અર્થને સમજી શકે .
શ્વાસ મંજીરા અને આતમ બને તંબૂર ,જો
તોજ મીરાંબાઈના તું અર્થને સમજી શકે
- હેમંત ગોહિલ 'મર્મર '
No comments:
Post a Comment