વાત જાણેઆમ છે .....

 

હું તને પ્હેરાય ગ્યો ,
તું હજી તો માપ લે .

              - હેમંત ગોહિલ 'મર્મર '

મારી ગઝલ

મારી આંખ ઝીણું ફરુકશે ....... હેમંત ગોહિલ 'મર્મર '

તમે છલકતું રૂપસરોવર ....... હેમંત ગોહિલ 'મર્મર '

અટકવાની શરૂઆત વિશે.......

અટકી જા ,કહું છું દોસ્ત !
જો,
આ  અહર્નિશ આથડતો ;
હણહણતા અશ્વ શો અબ્ધિ
આખર શું પામશે ?
................વેરાઈ જતા અસ્તિત્વના કેવળ ફટકિયા ફીણ .
કાલે જ તારું બેફામ ઊછળતું રક્ત 
ગોકળગાય થી  હાર્યું ------- ભૂલી ગ્યો ?
વસૂકી ગયું હતું ઉછળવું ?
ક્ષણોના મારનારને મરેલી ક્ષણો જ મારે છે .....

રોપી દે ,
એક કૂંડામાં નામ તારું ,
સપનાના જળ સીંચ 
ટૌકાની  ડાળ ; હીંચ 
વ્યાપી જવા દે તારા લીલાછમ અસ્તિત્વ ને  પાંદેપાંદમાં .
જેનું ઉગવું મૂરઝાઈ ચૂક્યું છે 
એવા બીજને વાવવા જેવા ધમપછાડા શીદ  ?
     ...... સ્વ . કોઈને છોડવાનો નથી .
ઇચ્છાઓનો ભારેખમ ભારો મૂકી 
પોલા અસ્તિત્વને 
ભાંગવાની તારી વ્યર્થ ચેષ્ટા નો અર્થ શું ?
મંગળફેરા ફરે છે ,ખ્યાલ રાખ ,
મૃત્યુની દુલ્હન પણ અખંડ ધણી ઈચ્છે છે 
................
...... એટલે જ કહું છું , દોસ્ત !.......

                                                   -- હેમંત ગોહિલ 'મર્મર '