ગઝલ .તમે જીવો જ છો
તમે જીવો જ છો એનો પુરાવો આપવા વિનંતી ,
ભરો છો શ્વાસ રોજે એ ન દાવો આપવા વિનંતી .
નથી સ્વીકાર્ય જે જે આંખની સામે બનેલા છે ,
બને છે ભીતરે એવા બનાવો આપવા વિનંતી .
પછી જૂઓ તમે કે એકલાનો પણ બને મેળો ,
ભરી છે ફૂંક મેંતો ;એક પાવો આપવા વિનંતી .
હવે મંદિર જીર્ણોધ્ધાર ઝંખે ;યાદનો ફાળો ,
તમે ના ચોપડે ખાલી લખાવો :આપવા વિનંતી .
અમે તો પાટ માંડી આજ બેઠા હે ગઝલદેવી !
ભરી છે શબ્દની ચપટી ,વધાવો આપવા વિનંતી .
-.. હેમંત ગોહિલ 'મર્મર '
તમે જીવો જ છો એનો પુરાવો આપવા વિનંતી ,
ભરો છો શ્વાસ રોજે એ ન દાવો આપવા વિનંતી .
નથી સ્વીકાર્ય જે જે આંખની સામે બનેલા છે ,
બને છે ભીતરે એવા બનાવો આપવા વિનંતી .
પછી જૂઓ તમે કે એકલાનો પણ બને મેળો ,
ભરી છે ફૂંક મેંતો ;એક પાવો આપવા વિનંતી .
હવે મંદિર જીર્ણોધ્ધાર ઝંખે ;યાદનો ફાળો ,
તમે ના ચોપડે ખાલી લખાવો :આપવા વિનંતી .
અમે તો પાટ માંડી આજ બેઠા હે ગઝલદેવી !
ભરી છે શબ્દની ચપટી ,વધાવો આપવા વિનંતી .
-.. હેમંત ગોહિલ 'મર્મર '