ગઝલ / હેમંત ગોહિલ "મર્મર "
તને તું ગીરવે મૂકીને જીવે વાંક એમાં કોઈનો ક્યાં છે .
ન બીજાથી તું તારાથી જ બીવે વાંક એમાં કોઈનો ક્યાં છે .
આ આવરદા ય વંડી ઠેકતી પ્હોંચી હવે પાદર લાગી તું જો ,
છતાંયે રોજ તું છઠ્ઠીયા જ સીવે વાંક એમાં કોઈનો ક્યાં છે .
બધીયે રાખને ઉડાડતો તું ગામને દોષિત ગણે છે કાં?
લગાડી આગ તેં તારા જ દીવે વાંક એમાં કોઈનો ક્યાં છે .
નદીને હાથથી હડસેલતો હડસેલતો આવી ગયો કાંઠે ,
હવે ખાબોચિયું ખોબાથી પીવે વાંક એમાં કોઈનો ક્યાં છે .
તને તું ગીરવે મૂકીને જીવે વાંક એમાં કોઈનો ક્યાં છે .
ન બીજાથી તું તારાથી જ બીવે વાંક એમાં કોઈનો ક્યાં છે .
આ આવરદા ય વંડી ઠેકતી પ્હોંચી હવે પાદર લાગી તું જો ,
છતાંયે રોજ તું છઠ્ઠીયા જ સીવે વાંક એમાં કોઈનો ક્યાં છે .
બધીયે રાખને ઉડાડતો તું ગામને દોષિત ગણે છે કાં?
લગાડી આગ તેં તારા જ દીવે વાંક એમાં કોઈનો ક્યાં છે .
નદીને હાથથી હડસેલતો હડસેલતો આવી ગયો કાંઠે ,
હવે ખાબોચિયું ખોબાથી પીવે વાંક એમાં કોઈનો ક્યાં છે .