ગઝલ / હેમંત ગોહિલ "મર્મર "
શું બતાવું છતનું બીજું નામ હોય ,
દોસ્ત પણ દોલતનું બીજું નામ હોય .
બાળવા ખાતર હવે પૂછો ન કોઈ ,
રાખ કઈ હાલતનું બીજું નામ હોય .
પાંપણે સંદેશ પણ વંચાય જાય ,
આંખ ખુલ્લાં ખતનું બીજું નામ હોય .
હું વધેરું રોજ શ્રદ્ધા આજકાલ ,
બંદગી ચાહતનું બીજું નામ હોય .
ફાડ મા તું સાચવીને રાખ, ભાઈ
ક્યાં પછી ઈજ્જતનું બીજું નામ હોય ?
જાવ નેતાકોશ ખોલી જોઈ લ્યોને
રાજકારણ મતનું બીજું નામ હોય .
મેં અડીખમ આંખ રાખી રાહ બાજુ ,
તેં લખ્યું પર્વતનું બીજું નામ હોય .
ઈશને બદલે તને હું યાદ આવું
એય પણ આરતનું બીજું નામ હોય .
No comments:
Post a Comment