એક સોનેરી ગીત / હેમંત ગોહિલ 'મર્મર '
પ્હેરી પવન એક ખારવણ ન્હાય ......
તડકો ચોળીને કાંઈ સોનેરી થાય , કાંઈ સોનેરી થાય......
છાલક મોજાની સહેજ અડે'ને ખારવો
થઇ જાતો સાવ ફીણ ફીણ ;
ફરફરતો સઢ કહે નાવડીને કાનમાં :
"માછલીની ગંધ હવે વીણ."
ઈચ્છાની માછલી નજરૂની જાળમાં તાજી ઝલાય કાંઈ તાજી ઝલાય....
ખારી ભીનાશ બધી વેળુમાં સંઘરી ,
કાંઠાઓ થઇ ગયાં ચૂપ ;
ખારવાનું નામ હવે ખારવો હતું ક્યાં
દરિયાનું થઇ ગયો રૂપ .
આવી જાય ભરતી ખારવામાં ,ખારવણ એવું કાંઈ ગાય ગીત એવું કાંઈ ગાય
No comments:
Post a Comment