ગઝલ / હેમંત ગોહિલ 'મર્મર '
રોજ રસ્તામાં મળે છે મોંઘવારી ,
સાવ સસ્તામાં મળે છે મોંઘવારી .
પેટના અક્ષાંશ ને રેખાંશ માપો ,
ફક્ત નકશામાં મળે છે મોંઘવારી .
છેતરાયા એટલે તો સૌ અહિયાં,
ગુલદસ્તામાં મળે છે મોંઘવારી .
કેમ ધીરે માણવી લિજ્જત અમારે ,
જોર ઝટકામાં મળે છે મોંઘવારી .
એક તો સંજોગ સાલ્લા ખાંડણી છે ,
ક્રૂર દસ્તામાં મળે છે મોંઘવારી .
અંક નાનો તોય તું કર બાદબાકી ,
લાવ ,દશકામાં મળે છે મોંઘવારી .
છે વફાદારી જૂઓ ભરપૂર એની ,
રોજ પડખામાં મળે છે મોંઘવારી .
No comments:
Post a Comment