ગઝલ ... એક ચપટી રાઈ....

એક ચપટી રાઈના તું અર્થને સમજી શકે ;

તુર્ત સઘળી ખાઈનાતું અર્થને સમજી શકે

વેદ  કે કુરાન સમજો જાતમાં આવી ગયા ;

ફક્ત અક્ષ્રર ઢાઈના  તું અર્થને સમજી શકે.

જિંદગી અવસર બનીને આંગણે આવી જશે ,

શ્વાસની  શરણાઈના તું અર્થને સમજી શકે.

તોજ  સમજાશે  તને સંદેશ મારા પત્રનો ,

રક્ત કે રુસ્નાઈના તું અર્થને સમજી શકે .

અર્થની ઊંડાઈને ત્યારેજ તું તાગી શકે .

શબ્દની ઊંચાઈના તું અર્થને સમજી શકે .

શ્વાસ મંજીરા અને આતમ બને તંબૂર ,જો

તોજ મીરાંબાઈના તું અર્થને સમજી શકે

                                  - હેમંત ગોહિલ 'મર્મર '