ગીત
છાંયડા વિનાની એક છોકરી રે એક છોકરી રે ......
છોકરી તો સીમમાં છાણા વીણે .
ખરીબાઈ ગઈ એક મોટા ગામતરે ગરીબાઈ એટલે એને ઉછેરતી ,
છાંયડા વિનાની સાવ પોતે હતી ને તોય છાંયડા તો ઠેર ઠેર વેરતી .
વેર્યા નસીબના દાણા વીણે ...
છોકરી તો સીમમાં છાણા વીણે .
તડકા પણ બળે એમ કાળામેશ દેહમાંથી અજવાળા દોમ દોમ નીતરે ,
ફાંટ ને સંકોરતીક વગડાની છાતી એ ગીતલડા વરણાગી ચીતરે .
ઓરતાના ગોળ ગોળ ગાણાં વીણે .....
છોકરી તો સીમમાં છાણા વીણે .
અડવાણા પગની એ બળબળતી પાનિયુંને શેઢાનું ઘાસ થોડું ફૂકતું ,
એકલદોકલ ક્યાંક પીછું અડકે ને એનું ભીતરનું પંખી ટહૂકતું .
આયખાના રોકડા ટાણા વીણે
છોકરી તો સીમમાં છાણા વીણે
- હેમંત ગોહિલ 'મર્મર '
ફાંટ ને સંકોરતીક વગડાની છાતી એ ગીતલડા વરણાગી ચીતરે .
ઓરતાના ગોળ ગોળ ગાણાં વીણે .....
છોકરી તો સીમમાં છાણા વીણે .
અડવાણા પગની એ બળબળતી પાનિયુંને શેઢાનું ઘાસ થોડું ફૂકતું ,
એકલદોકલ ક્યાંક પીછું અડકે ને એનું ભીતરનું પંખી ટહૂકતું .
આયખાના રોકડા ટાણા વીણે
છોકરી તો સીમમાં છાણા વીણે
- હેમંત ગોહિલ 'મર્મર '
No comments:
Post a Comment