ઓગળવાના અવસરનું ગીત ..
છમ્મ છાંટો ઝીલ્યો રે સૈયર ,પહેલવારૂકા એક .....
આખ્ખે આખ્ખી થઈ ભીની માટીની હું મ્હેંક ........
દોથોક હોય તો દાબી લઈને
બાંધી લઈએ ફાંટ ;
આતો આખ્ખે આખ્ખું નભ છે
જળથી ફાટમ ફાટ
કમખે ટાંક્યા મોરલિયા સાગમટે કરતા ગ્હેક ...
નફફટ વાયુ પાલવ ખેંચી
કહી ગયો કંઈ વાત ;
વાંસું વાંસું કમાડ ત્યાં તો
ઓગળી ગઈ 'તી જાત .
વાછાટિયાને વીંધી વાછટ આવી ગઈ હળવેક ...
બે કાંઠે ચિક્કાર છલકતી
વહેતી જાય પરનાળ ;
રેલો થઈ હું હાલી ,ખેંચે
નેવાંના એ ઢાળ .
કંઈ વેળાનો ગોરમ્ભાતો રાતે વરસ્યો છેક .....
No comments:
Post a Comment