દીકરી ગઝલ
એટલે તો દીકરી સૌને વહાલી હોય છે ,
જીવમાં એના થકી જાહોજલાલી હોય છે .
આયખું અવસર બનીને ટોડલે ઝૂલ્યા કરે ,
પૂરતી એ સાથિયા ,જ્યાં સ્થાન ખાલી હોય છે .
વ્હાલની છે વાટ કેવળ ,વ્હાલની છે વારતા ,
ખુદ ખુદાએ આંગળી એ રૂપ ઝાલી હોય છે .
એટલે પગલી પડે છે ફૂલ સરખી આંગણે ,
વ્હાલની કેડી ઉપર એ રોજ ચાલી હોય છે .
વ્હાલની છે રોશની એ પ્રેમની છે ફૂલઝરી ,
એટલેતો દિલમાં રોજે દિવાલી હોય છે
No comments:
Post a Comment