ગઝલ ..

ક્યાં કહું  છું રોજ હોવી જોઈએ ,
જીંદગીમાં  મોજ હોવી જોઈએ .

સાંપડે ,અઢળક  ખજાનો સાંપડે ,
ખુદમાં  પણ  ખોજ હોવી જોઈએ .

ઓસ એને તો હશે નવડાવતી ,
ફૂલ  જેવી  તોજ હોવી જોઈએ .

છે શરત આ  યુધ્ધને કંઈ જીતવા ,
એકલાની   ફોજ  હોવી જોઈએ .

એમનો વિયોગ  ગાંગો હોય તો ,
યાદ રાજા  ભોજ  હોવી જોઈએ .

                           - હેમંત ગોહિલ  'મર્મર '

ઉત્સવ ...

આ જીંદગી શણગારવા ઉત્સવ કરું   ,
રંગો   નવા   આળેખવા  ઉત્સવ કરું . 


  

કહું તો .... હેમંત ગોહિલ 'મર્મર '

વાત જુદી છે સખી   ,તારી અને મારી કહું તો ,
રાત જુદી છે   સખી , તારી અને મારી કહું તો .
રંગ ભળતા આવતા એ વાત સાચી ,સાવ સાચી ,
ભાત  જુદી છે સખી  ,તારી અને  મારી કહું તો।